​5 ամենաթեթև և արդյունավետ սննդակարգերը

Ժամանակակից սննդաբանների հավաստմամբ` նիհարելու համար նախատեսված լավագույն սննդակարգն այն է, որին կարելի է հետևել հարմարավետությամբ` առանց չսնվելու արդյունքում թուլությունից ընկնելու անհրաժեշտության: Գրում է Woman.ru-ն:

Թեթև սննդակարգ ծույլերի համար. շիշ և ժամացույց

Կիրառման մեջ հասկանալի կանոններով և տպավորիչ արդյունքով թեթև ջրային հայտնի այս սննդակարգը նախատեսված է ծույլերի համար: Այս սննդակարգի կիրառման ընթացքում անգամ ցանկության դեպքում անհնար է շփոթվել, քանի որ այն չափազանց դյուրին է: Գլխավոր կանոնը միակն է, որի համաձայն` յուրաքանչյուր անգամ սնվելուց 20 րոպե առաջ անհրաժեշտ է 200 մլ սովորական չգազավորված ջուր խմել:

Իսկ հենց սնվելու ընթացքում և դրանից առնվազն 2 ժամ անց ջուր խմել խորհուրդ չի տրվում ընդհանրապես: Ծույլ անձանց համար նախատեսված այս թեթև սննդակարգի տևողությունը 2 շաբաթ է, իսկ այդ ընթացքում կարելի է առնվազն 5 կգ նիհարել` առանց սննդակարգում արմատական փոփոխություններ մտցնելու անհրաժեշտության:

Նիհարելը տեղի է ունենում սննդամթերքի բնական ճանապարհով կրճատման արդյունքում, քանի որ ստամոքսն արդեն լցված է: Եվս մեկ չափազանց հեշտ և սննդակարգում առանց արմատական փոփոխությունների սննդակարգ է համարվում երեկոյան ժամը 17:00 կամ 18:00-ից հետո չսնվելը, որին շատ կանայք հետևում են գրեթե ամբողջ կյանքի ընթացքում:

Թեթև սննդակարգ գուրմանների համար

Մեզանից շատերը ողջամտորեն վստահ են, որ թեթև սննդակարգը, նախևառաջ, պետք է բազմատեսակ լինի: Իրապես հաճելի է հետևել այնպիսի սննդակարգերի, որոնց ընթացքում կարևոր է վատ սովորություններից հրաժարվել և բազմազան սննդամթերքով սնվել:

Բացի այդ, սնվելու հետ կապված գուրմանային պլանները, որպես կանոն, խոստանում են լուրջ օգուտներ մեր առողջության համար օսլա չպարունակող բանջարեղենի և չհագեցրած ճարպերի հաշվին:

Սակայն հարկավոր է նշել, որ այս դեպքում, թեև ոչ այնքան արագ նիհարելուն` արդյունքը կայուն և երկարաժամկետ է լինում` հաշվի առնելով այն փաստը, որ թեթև գուրմանային սննդակարգերին կարելի է հետևել մշտապես: Այդպիսի սննդակարգերից ամենատարածվածը միջերկրականն է համարվում:

Արևշատ երկրների երջանիկ ու երկարակյաց բնակիչների նման սնվելու համար հարկավոր է թարմ բանջարեղեններից, հատիկաբույսերից և, որպես սպիտակուցի գլխավոր աղբյուր, ծովային ձկնեղենից մենյու կազմել, իսկ ձվի և կարմիր մսի կիրառումից հնարավորինս խուսափել:

Սակայն հատկանշական է, որ այս սննդակարգի դեպքում թույլատրելի է կարմիր գինու կիրառումը:

Թեթև սննդակարգ առանց ավելորդ մտորումների. մոնոդիետա

Եթե որոշ անձանց համար թեթևությունը կայանում է լայն ընտրության մեջ, ապա մյուսների համար կարող է հակառակը լինել: Նրանք, ում համար միօրինակությունը խոչընդոտ չէ, այլ արդյունքը առավել կարևոր է անգամ հնարավոր կողմնակի բարդություններից, թեթև կանվանեն միայն մեկ մթերքի առկայությամբ սննդակարգը:

Մոնոդիետաների շարքում ամենահայտնիներն են հնդկացորենի, կեֆիրի կամ վարսակաձավարի պարունակությամբ սննդակարգերը:

Նրանից յուրաքանչյուրի արդյունքում հնարավոր է օրական գրեթե 1 կգ կորցնել: Այս սննդակարգի ընթացքում կարևոր է ջրից բացի որևէ այլ մթերք չկիրառելը: Իհարկե, նման խիստ սահմանափակումներով սննդակարգերն արդյունքում լի են տհաճ հետևանքներով, այդիսկ պատճառով մոնոդիետաները ցանկալի է որպես բեռնափաթման օրեր (1-3 օր) կիրառել:

Սակայն նմանատիպ սննդակարգերին մեկ շաբաթից ավել հետևելը խիստ արգելվում է, քանի որ, հակառակ դեպքում, հոգեբանական և ֆիզիոլոգիական խախտումները գրեթե երաշխավորված են: Նման դեպքում անհրաժեշտ է նախ խորհրդակցել բժշկի հետ և հետո միայն սկսել, իսկ որ չափազանց կարևոր է, չմոռանալ նաև դրանց արդյունքում կորցրած կիլոգրամների արագ վերադառնալու հավանականության մասին:

Հաջորդականության թեթև սննդակարգ

Այն մարդկանց համար, ում դժվար է միայն մեկ մթերքով սնվել կամ երկարաժամկետ գրավիչ և միաժամանակ վնասակար սննդից հրաժարվել, մշակվել են հաջորդականության սննդակարգերը:

30 օրվա համար նախատեսված այս սպիտակուցա-ածխաջրածնային հերթափոխության սննդակարգին դժվար չէ հետևել: Այս սննդակարգի դեպքում հարկավոր է մեկ օր միայն ածխաջրածնային սնունդ ընդունել, այնուհետև համադրել ածխաջրերն ու սպիտակուցները, իսկ 3-րդ օրը նախապատվություն տալ բացառապես սպիտակուցներին, որից հետո փուլը կրկնել: Նման սննդակարգը շատ ավելի արդյունավետ կլինի սպորտի, տոնուսի բարելավման հետ համադրելու դեպքում:

Թեթև պատրաստի սննդակարգ. վստահում եմ և նիհարում

Բոլոր նրանց համար, ովքեր երազում են իրենց համար ցանկալի կազմվածքն ունենալու մասին, սակայն պատրաստ չեն իրենց սննդակարգով անձամբ զբաղվել, հատուկ սննդակարգեր են մշակվել: Պատրաստի սննդակարգը կարելի է լրացնել սովորականին: Օրինակ, դիետիկ կոկտեյլների, պրոտեինների, վիտամինների խառնորդը և այլն:

Ենթադրվում է, որ նման կոկտեյլները երկար ժամանակ հագեցնում են և օրգանիզմին փոխանցում անհրաժեշտ սնուցիչներ` ավտոմատ կերպով կրճատելով սննդի ծավալները և մասամբ որոշում նիահարելու համար անհրաժեշտ համապատասխան սննդի փնտրտուքները:

Հարցեր, պատասխաններ, մեկնաբանություններ